Xalıqverdi Hüseynov Azərbaycan Dövlət Aqrar Universitetində Bitkilərin Mühafizəsi ixtisası üzrə təhsil almış və idarəetmə sahəsində uzunmüddətli təcrübəyə malikdir. 

Xalıqverdi Hüseynov şirkətin gündəlik əməliyyatlarının səmərəli idarə olunmasını təmin edir, layihələrin icrasını nəzarətdə saxlayır və strateji qərarların hazırlanması prosesində mühüm rol oynayır. Eyni zamanda, idarəetmə və komanda rəhbərliyi sahəsində yüksək peşəkarlığı ilə seçilir.

O şirkətin məqsədlərinə çatmaq üçün resursların optimal idarə olunması və əməliyyatların koordinasiyasında əhəmiyyətli töhfələr verir.

Azad Məcidov Bakı Dövlət Universitetinin Geologiya-Coğrafiya fakültəsini bitirmiş və sənayedə texniki təhlükəsizlik qaydaları üzrə sertifikatlara malikdir. O, şirkətin əməliyyatlarının təhlükəsiz, ekoloji və keyfiyyət standartlarına uyğun həyata keçirilməsini təmin edir, əməyin mühafizəsi və risklərin idarə olunması sahəsində geniş təcrübəyə malikdir. Eyni zamanda, idarəetmə və komanda koordinasiyasında səmərəli yanaşmaları ilə tanınır. 

Azad Məcidov Azərbaycan və Rus dillərini sərbəst bilir və şirkətin strateji hədəflərinə çatmaq üçün əməliyyatların optimallaşdırılması və standartların yüksək səviyyədə qorunması üzrə mühüm rol oynayır.

Elmir Qaragözov Azərbaycan Dövlət Neft və Sənaye Universitetində neft-mədən geologiya üzrə bakalavr və dəniz yataqlarının qiymətləndirilməsi və səmərəli işlənməsini özündə əhatə edən istiqamət üzrə magistr təhsili almış, daha sonra Azərbaycan Milli Elmlər Akademiyasında qalıq neft ehtiyatlarının mənimsənilməsinin geoloji-riyazi üsulları mövzusundə dissertasiya müdafiə edərək, yer elmləri üzrə fəlsəfə doktoru elmi dərəcəsi almışdır. Hal-hazırda doktorantura pilləsində geoloji-texnoloji risk şəraitində karbohidrogen ehtiyatlarının səmərəli mənimsənilmə yollarının araşdırılması istiqamətində elmi tədqiqat aparır. Karyerasına 2005-ci ildə “Bibiheybət” NQÇİ-də neft-qazçıxarma operatoru kimi başlamış, sonrakı illərdə “28 May” NQÇİ, “Azneft İB” və SOCAR-da müxtəlif neft-qaz yataqlarının geologiyası, işlənilməsi və hasilat dayanıqlılığının qorunması və artırılması planlarının hazırlanması, o cümlədən yeni neft-qaz kəşfiyyatı  istiqamətlərində rəhbər vəzifələrdə çalışmışdır. Elmir Qaragözov neft-qaz yataqlarının idarə edilməsində, o cümlədən onların qiymətləndirilməsi, hasilat potensialının müəyyənləşdirilməsi, işlənməyə verilməsi və hasilatın artırılması üzrə proqramların hazırlanması və yeni yataqların kəşfiyyatı sahələri üzrə geniş təcrübəyə malikdir. Eyni zamanda, magistratura səviyyəsində neft-qaz yataqların geologiyası, işlənilməsi və neft-qaz hasilatı istiqamətləri üzrə tədris aparır, elmi işlərə rəhbərlik edir. O, Azərbaycan, rus və ingilis dillərini bilir, türk dilində yaxşı səviyyədə ünsiyyət qura bilir. Komanda işi, liderlik və idarəetmə, kommunikasiya və çeviklik bacarıqları ilə seçilir və hasilatın artırılması üçün patentlərə malikdir.

İlham Babayev 1974–1982-ci illərdə Azərbaycan Dövlət Universitetinin Geologiya fakültəsində təhsil alaraq mühəndis-geoloq ixtisası üzrə bakalavr dərəcəsi almış, daha sonra MBA (magistr) təhsili ilə idarəetmə sahəsində biliklərini dərinləşdirmişdir.

45 ildən artıq peşəkar iş stajına malik olan İlham Babayev neft-qaz sənayesində həm texniki, həm də strateji idarəetmə sahələrində geniş və çoxşaxəli təcrübəyə sahibdir. O, karyerası ərzində quruda və dənizdə 435-dən artıq neft və qaz quyusunun uğurla qazılaraq istismara verilməsinə rəhbərlik etmiş, 1000 nəfərlik işçi heyəti ilə iri layihələrin effektiv idarə olunmasını təmin etmişdir.

Peşəkar fəaliyyəti dövründə SOCAR, xarici neft şirkətləri və dövlət qurumları ilə yüksək səviyyəli əməkdaşlıq və danışıqlar aparmış, Azərbaycan və Gürcüstanda çoxsaylı yüksəkbüdcəli layihələrin uğurla icrasına rəhbərlik etmişdir. O, SƏTƏM standartlarının tətbiqi, yeni texnologiyaların istehsalata inteqrasiyası, eləcə də quruda neft və qaz yataqlarının bərpa və inkişaf layihələrinin idarə olunması sahələrində mühüm töhfələr vermişdir.

İlham Babayev müxtəlif illərdə Gulf Drilling Supply FZE şirkətində Baş direktor, Caspian Technology Supply şirkətində İcraçı direktor, bir sıra birgə əməliyyat şirkətlərində yataq meneceri və regional direktor, SOCAR strukturunda isə baş mühəndis, baş geoloq və şöbə rəis müavini vəzifələrində çalışmışdır.

O, Azərbaycan dilini ana dili səviyyəsində, rus dilini mükəmməl, ingilis və türk dillərini isə yaxşı səviyyədə bilir. Liderlik, strateji idarəetmə və layihə menecmenti sahəsində çoxsaylı mükafatlara və ixtisasartırma kurslarına malikdir.